Que facemos
Os nosos servizos
En COXAPO, traballamos día a día para apoiar ás comunidades de usuarios de auga veciñais do rural galego.
O noso obxectivo é garantir que cada persoa dispoña de auga potable na súa vivenda con todas as garantías sanitarias, cumprindo a normativa técnica e legal vixente.
Contamos cun equipo con ampla experiencia no sector, que ofrece unha xestión integral: desde a legalización das traídas ata o mantemento administrativo, técnico e sanitario das mesmas.
Asesoramento legal e administrativo
Legalización de comunidades de usuarios e pozos particulares.
Renovación de concesións e tramitación de licenzas.
Redacción de ordenanzas e regulamentos internos.
Consultoría xurídica en materia de augas, incluíndo representación ante organismos e procesos ante o xurado.
Tramitación da LOPD para comunidades.
Elaboración de contabilidade e reclamación de débedas.
Seguridade e control sanitario da auga
Elaboración de informes sanitarios.
Desenvolvemento de protocolos e plans de seguridade da auga.
Alta e mantemento no SINAC.
Control analítico da calidade da auga.
Asesoramento ante inspeccións sanitarias e elaboración dos informes correspondentes.
Servizos técnicos especializados
Desenvolvemento de proxectos técnicos para instalacións de abastecemento.
Auditorías técnicas das traídas e detección de fugas.
Tramitación de subvencións ante concellos, Augas de Galicia, Xunta ou Ministerio.
Preparación de documentación e xestión en proxectos de mellora das infraestruturas.
Formación e apoio ás comunidades
Formación específica para directivos das comunidades de auga.
Organización e preparación de asembleas veciñais.
Xestión administrativa ante organismos públicos e cos propios comuneros.
Acompañamento continuo para mellorar a eficiencia e sustentabilidade da xestión da auga.
Traballo en colaboración
En COXAPO, sabemos que a mellor maneira de protexer o acceso á auga potable no rural é traballar xuntos. Por iso colaboramos con universidades, outras asociacións e organismos europeos, impulsando proxectos innovadores e defendendo a autoxestión desde Galicia ata Europa.